Jahon iqtisodiyoti va diplomatiya universiteti akademik litseyida 2023-yil 4-yanvar kuni Oʻzbekiston Respublikasi Prezidenti Sh. Mirziyoyevning 2022-yil 20-dekabrdagi Oliy Majlis va O‘zbekiston xalqiga Murojaatnomasining o‘rganish bo‘yicha seminar o‘tkazildi. Seminarda akademik litsey direktor o‘rinbosari, tarix fani o‘qituvchisi M. Soliyev Murojaatnomada belgilangan respublikamiz taraqqiyoti uchun muhim bo‘lgan asosiy yo‘nalishlar, xususan, taʼlim tizimida yuz beradigan o‘zgarishlar, amalga oshiriladigan islohatlarning mazmun-mohiyati, inson huquq va erkinliklarining Konstitutsiyaviy  asoslari, maʻmuriy va iqtisodiy-ijtimoiy islohatlar haqida to‘xtalib o‘tdi.  Seminar ishtirokchilari bilan qiziqarli savol-javoblar bo‘lib o‘tdi.