JIDU akademik litseyi “Lider qizlar” klubi tashabbusi bilan “Erta va qarindoshlar o‘rtasidagi nikohning salbiy oqibatlari hamda ularni bartaraf etish yo‘llari” mavzusida davra suhbati o‘tkazildi. Unda Toshkent shahridagi 42-oilaviy poliklinika shifokori Akbarova Muyassar, Shayxontohur tuman tibbiyot birlashmasi shifokori Niyozova Sayyora, hamda o‘quvchi-yoshlar ishtirok etdilar. 

Ta’kidlash kerak, akademik litsey xotin-qizlar qo‘mitasi, “Lider qizlar” klubi mazkur mavzu bo‘yicha turkum uchrashuvlar, davra suhbatlari uyushtirib, muntazam tushuntirish ishlarini olib bormoqda. Maqsad esa bitta: erta va qarindoshlar o‘rtasidagi nikohning oldini olish va sog‘lom oilalar safini ko‘paytirishdan iborat.