05.10.2022
O`zbekiston Respublikasi Prezidentining 2022-yil 20-yanvardagi
PQ-96-son qarorida Oliy va o`rta maxsus ta`lim vazirligi, Yoshlar ishlari agentligi va “Zakovat intellektual klubi” nodavlat notijorat tashkilotiga o`zaro hamkorlikda o`rta maxsus va professional ta`lim muassasalari o`quvchilari o`rtasida “Zakovat” intellektual o`yinini o`tkazish vazifasi yuklatilgan.
Joriy yilning 5 oktabr kuni Toshkent shahridagi o`rta maxsus va professional ta`lim muassasalari o`quvchilari o`rtasida “Zakovat” turniri o`tkazildi. Mazkur turnirda 1-o`rinni JIDU Akademik litsey o`quvchilari egallab, Respublika bosqichida qatnashish huquqini qo`lga kiritdi.
Ma`lumot uchun:
Turnir ikki bosqichda bo`lib o`tadi:
Birinchi bosqich - viloyat bosqichi;
Ikkinchi bosqich - respublika bosqichi.
Viloyat bosqichida 1-, 2- va 3-o`rinni egallagan jamoalar respublika bosqichida ishtirok etish huquqini qo`lga kiritadi.
Prezident Qaroriga muvofiq, turnirning respublika bosqichida dastlabki uchta o`rinni egallagan jamoa a`zolari oliy ta`lim muassasalarining tegishli ta`lim yo`nalishlariga bazaviy to`lov kontrakt asosida imtihon sinovlarisiz qabul qilinadi. Bundan tashqari, ushbu o`quv yilidan boshlab turnirning respublika bosqichida g`olib bo`lgan o`quvchi yoshlarga bir yil davomida har oy “Zakovat” stipendiyasi to`lab boriladi.