Bugun 9-aprel - buyuk sarkarda Sohibqiron Amir Temur ibn Amir Tarag'ay tavallud topgan kun. Amir Temur bobomiz — o’zligimizni anglash, milliy an’ana va qadriyatlarimizni tiklash borasidagi ulug’vor ishlarda xalqimizga ma’naviy kuch bag’ishlab kelayotgan ulug’ siymolardan biridir. Sohibqiron Amir Temur tavalludining 688 yilligiga bag'ishlangan tadbirlarimiz davom etmoqda. O'quvchilarda Amir Temur va Temuriylar davri tarixi haqida kengroq bilimlarni shakllantiriah maqsadida aprel oyida ma'naviy-ma'rifiy tadbirlar amalga oshirilmoqda. Jumladan, Temuriylar tarixi davlat muzeyida 1-kurslar bilan ochiq dars tashkil etildi. O'quvchilar tomonidan videoroliklar tayyorlandi. Temur shaxsini yoritish maqsadida viktorinalar o'tkazildi. Bu kabi tadbirlarning amalga oshirilishi o'quvchilarda Vatanimiz tarixiga bo'lgan qiziqish va muhabbatini oshiradi.