Bugungi kunda ommaviy axborot vositalari hayotimizning ajralmas qismiga aylandi. Ommaviy axborot vositalari jamoatchilik fikrini shakllantirishning eng muhim omillaridan biri hisoblanadi. Ilg’or axborot-kommunikatsiya texnologiyalari ularning rivojlanishiga xizmat qilmoqda, chunki texnologiya yordamida axborot olish imkoniyati tobora kengaymoqda. Ayni paytda, globallashuv sharoitida turli mamlakatlarning tarixiy-madaniy hususiyatlari va rivojlanishdagi o’ziga hosliklarini saqlab qolish maqsadida axborot xavfsizligini ta’minlashning ahamiyati ortib bormoqda.

  JIDU akademik litseyi o‘quvchilari uchun o‘tkazilgan navbatdagi uchrashuv JIDU nashriyot va ommaviy-axborot vositalari bilan ishlash bo‘limi boshlig’i Xasanov Baxtiyor Madaminovich ishtirokida bo‘ldi. Bu uchrashuv sifatli jurnalistika, tahliliy yondashuvlar, jurnalistikadagi ta’lim, diplomatiya soxasida ommaviy-axborot vositalarining o‘rni kabi muhum mavzularni o‘z ichiga oldi. Tadbir so‘ngida o‘quvchilar o‘zlarini qiziqtirgan savollarga javob oldilar.