So‘nggi yillarda mamlakatimizda kitob mutolaasi va targ'iboti, kitobxonlik madaniyatini oshirishga oid qator qarorlar va farmonlar qabul qilinib, yurtimizning barcha hududlarida aholi orasida kitobxonlikni keng targ'ib qilish, kitoblar sonini emas, kitobxonlar salmog'ini oshirishga asosiy e’tibor qaratilmoqda.

Kitob mutolaasi va kitobxonlik madaniyatini yuksaltirish maqsadida Jahon iqtisodiyoti va diplomatiya universiteti akademik litseyida kitob yarmarkalari muntazam tashkil qilib kelinmoqda. Navbatdagi kitob yarmarkasida G'afur G'ulom nomidagi nashriyot matbaa ijodiy uyi tomonidan chop etilgan o‘zbek va jahon adabiyotining sara asarlari namoyish etildi.