19.04.2023
Joriy yilning 19-aprel sanasida Finlandiyaning Helsingin Suomalainen Yhteiskoulu (SYK) maktabining 20 nafar o‘quvchisi Jahon iqtisodiyoti va diplomatiya universiteti akademik litseyiga tashrif buyurishdi. Finlandiya ta’lim tizimi va uning muvaffaqiyat siri, fin yoshlarining bugungi hayoti do‘stona o‘tgan muloqotning bosh mavzulariga aylandi.
Do‘stona o‘tgan muloqotdan so‘ng akademik litsey o‘quvchilari va ularning finlandiyalik tengdoshlari o‘rtasida futbol o‘yini tashkil etildi. Ushbu o‘rtoqlik uchrashuvida 6:6 hisobi qayd etilib, yoshlar do‘stona durangga imzo chekdilar.