19.04.2023
Jahon iqtisodiyoti va diplomatiya universiteti va Xalqaro Nordik universiteti rahbariyatlari o‘rtasida muzokara o‘tkazilib, Anglashuv memorandumi imzolandi.
Kelgusida JIDU akademik litseyi bitiruvchilarining XNUda "Jahon iqtisodiyoti va xalqaro iqtisodiy munosabatlar", "Xalqaro biznes" va "Xalqaro huquq" ta'lim yo‘nalishlarida o‘qishini tashkil etish, o‘quvchilar uchun xalqaro va Yevropa ta'lim tizimi standartlari asosida qo‘shma o‘quv dasturlari tashkillashga kelishildi.
Shuningdek, binar ma'ruza va masofaviy darslar o‘tkazish, "Foundation" maktabi bilan hamkorlikda tayyorlov kurslarining O‘quv rejalarini ishlab chiqish, xorijda "Yozgi maktab" va "Qishki maktab" dasturlarini tashkil etish kabi hamkorlik yo‘nalishlari belgilandi.