Yurtimizda Vatan himoyasi kabi sharafli ulugʻvor ishga oʻzini bagʻishlagan harbiylarimiz, katta hurmat va eʼzoz bilan qadrlanib, har yili “14-yanvar – Vatan himoyachilari kuni” katta bayram va shodiyona bilan oʻtadi. Bu kabi eʼtibor va eʼtirof masʼuliyatli kasb egalarining Vatan oldidagi xizmatlarini yuqori baholanishini namoyon etib, ularning kelgusidagi faoliyatiga ham kuch-quvvat, shijoat va albatta sadoqat bagʻishlaydi. O'zbekiston Respublikasi Qurolli kuchlari tashkil etilganining 32 yilligi hamda 14-yanvar – Vatan himoyachilari kuni munosabati bilan joylarda turli ma’naviy-ma'rifiy, madaniy tadbirlar oʻtkazilmoqda. Jumladan, Jahon iqtisodiyoti va diplomatiya universiteti akademik litseyida 14-yanvar – Vatan himoyachilari kuni hamda O'zbekiston Respublikasi Qurolli kuchlari tashkil etilganligining 32 yilligi munosabati bilan maʼnaviy-maʼrifiy tadbir boʻlib oʻtdi. Bayram tadbirida akademik litsey o‘quvchilari o‘zlari tayyorlagan sahna ko`rinishlari bilan ishtirok etishdi. Haftalik doirasida “Eng yaxshi devoriy gazeta” tanlovi, “Tosh ko‘tarish” va “Arqon tortish” kabi sport musobaqalari tashkillashtirildi. G`oliblar aniqlandi va rahbariyat tomonidan rag`batlantirildi.