JIDU akademik litseyida joriy yilning 3-fevral sanasida taniqli siyosiy sharhlovchi, O‘zbekistonda xizmat ko‘rsatgan jurnalist, “Shuhrat” medali sohibi Qobilbekov Karimbekov bilan “Diplomatiyada ommaviy axborot vositalarining ahamiyati” mavzusidagi mahorat darsi bo‘lib o‘tdi.

Mustaqillik davrida mamlakatimizdagi ommaviy axborot vositalarining qiyofasi, tizimdagi o‘zgarishlar, diplomatiya soxasida ommaviy axborot vositalarining o‘rni kabi masalalar uchrashuvning asosiy mavzulariga aylandi.

Shuningdek, uchrashuvda Oʻzbekiston Respublikasi Prezidenti Sh. Mirziyoyevning 2022-yil 20-dekabrdagi Oliy Majlis va O‘zbekiston xalqiga Murojaatnomasida belgilangan respublikamiz taraqqiyoti uchun muhim bo‘lgan asosiy yo‘nalishlar, amalga oshiriladigan islohatlarning mazmun-mohiyati, inson huquq va erkinliklarining Konstitutsiyaviy asoslari, maʻmuriy va iqtisodiy-ijtimoiy islohatlar haqida batafsil to‘htalib o‘tildi.