Jahon iqtisodiyoti va diplomatiya universiteti akademik litseyi

AKADEMIK LITSEYNING 2026–2028-YILLARGA MO‘LJALLANGAN RIVOJLANTIRISH REJASI

AKADEMIK LITSEYNING 2026–2028-YILLARGA MO‘LJALLANGAN RIVOJLANTIRISH REJASI

30.12.2025

foreign

Jahon iqtisodiyoti va diplomatiya universiteti akademik litseyining 2026–2028-yillarga mo‘ljallangan Rivojlantirish rejasi ta’lim sohasidagi davlat siyosatining ustuvor yo‘nalishlari, “O‘zbekiston – 2030” strategiyasi hamda zamonaviy ta’lim talablariga muvofiq ishlab chiqildi.
Rejaning asosiy maqsadi akademik litsey faoliyatini zamonaviy boshqaruv tamoyillari asosida takomillashtirish, ta’lim sifatini oshirish, xalqaro ta’lim standartlarini joriy etish hamda raqobatbardosh, yuqori bilim va ko‘nikmalarga ega bitiruvchilarni tayyorlash uchun zarur shart-sharoitlarni yaratishdan iborat.
Rivojlantirish rejasi doirasida quyidagi ustuvor yo‘nalishlar belgilangan:
1.     Ta’lim sifatini oshirish – o‘quv dasturlarini takomillashtirish, zamonaviy pedagogik texnologiyalarni joriy etish va ta’lim sifatini muntazam monitoring qilish.
2.     Raqamli transformatsiya – ta’lim va boshqaruv jarayonlariga raqamli texnologiyalar hamda sun’iy intellekt vositalarini tatbiq etish.
3.     Pedagog kadrlar salohiyatini oshirish – o‘qituvchilarning kasbiy mahorati, malakasi va zamonaviy kompetensiyalarini rivojlantirish.
4.     Iqtidorli o‘quvchilarni qo‘llab-quvvatlash – fan olimpiadalari, ilmiy loyihalar, xalqaro tanlovlar va innovatsion tashabbuslarni rivojlantirish.
5.     Bitiruvchilar natijadorligini oshirish – o‘quvchilarni oliy ta’lim muassasalariga maqsadli tayyorlash va ularning oliy ta’limga kirish ko‘rsatkichlarini yaxshilash.
6.     Xalqaro hamkorlikni kengaytirish – xorijiy ta’lim muassasalari bilan qo‘shma ta’lim dasturlari, akademik mobillik va xalqaro loyihalarni rivojlantirish.
7.     Moddiy-texnik bazani mustahkamlash – zamonaviy o‘quv xonalari, laboratoriyalar, sport infratuzilmasi va innovatsion ta’lim muhitini shakllantirish.
 
Rejada belgilangan vazifalar 2026–2028-yillar davomida bosqichma-bosqich amalga oshiriladi. Har bir ustuvor yo‘nalish bo‘yicha chora-tadbirlar, ijro muddatlari va mas’ul shaxslar belgilanib, bajarilish holati muntazam monitoring qilib boriladi.
Kutilayotgan natija: 2028-yil yakuniga qadar zamonaviy boshqaruv tizimiga ega, ta’lim sifati yuqori, raqamli va innovatsion texnologiyalar keng joriy etilgan, xalqaro hamkorligi rivojlangan hamda nufuzli oliy ta’lim muassasalari uchun raqobatbardosh kadrlar tayyorlaydigan ilg‘or akademik litsey modelini shakllantirish. rus eng va shunga moslab rasm yasa