Jamiyatimizda  olima ayollar - xalqimizning oltin fondidir.  Davlat rahbarining  olima  ayollar haqida “chinakam matonat va jasorat sohiblari “ deb e’tirof etishlari ham bejiz emas.

            Joriy yilning 11-fevral kuni  Jahon iqtisodiyoti va diplomatiya universitetida “Ilm-fan sohasidagi ayollar va qizlar xalqaro kuni” munosabati  bilan “Toshkent shahar Olima ayollar va lider qizlar forumi”  bo‘lib o‘tdi.  Forum  Toshkent shahar  Oila va xotin-qizlar boshqarmasi, Toshkent shahar “Olima” ayollar uyushmasi hamda Jahon iqtisodiyoti va diplomatiya universiteti    hamkorligida  tashkil etildi. Anjumanda    professor-olimalar:  E.S. Sultonova, X. E. Shayxova, M.S.Abdullayeva , Sh.T.Ergasheva  o‘z ma’ruzalarida  ayollarning jamiyatda tutgan o‘rni, ularning  iqtisodiyot, siyosat, fan, ta’lim, madaniyat sog’liqni saqlash, huquqshunoslik,  sohasi rivojiga  qo’shgan salmoqli hissalari, prezidentimiz tomonidan ilgari surilgan besh muhim tashabbusning  xotin-qizlar hayotida tutgan o‘rni   haqida ta’kidlab o‘tdilar. JIDU akademik litseyining  malakali pedagog-xodimlari ham ushbu anjumanda ishtirok etishdi. 

         JIDU “Besh muhim tashabbus” markazi rahbari  filologiya fanlari falsafa  doktori  Sh.Y. Shokirova  hamda akademik litseyning  yoshlar yetakchisi I. Rustamova  tomonidan akademik litseydagi “Lider qizlar”   klubi faoliyatini yanada takomillashtirish  chora-tadbirlari  ishlab chiqildi.